2016, സെപ്റ്റംബർ 9, വെള്ളിയാഴ്‌ച

കമ്മ്യുണിസ്റ്റ്


പള്ളിയില്‍ നിന്നും ഉച്ചഭാഷിണിയില്‍
തക്ബീര്‍ മുഴങ്ങി
അതേ-തക്ബീര്‍ ചൊല്ലിയാണ്
അവരെന്നെ അറുത്തത്
ഞാനും ഒരു തക്ബീര്‍ ചൊല്ലി
അതുമാത്രം പുറത്തുവന്നില്ല
അതിനുമുമ്പ് എന്റെ കഴുത്ത-
റ്റുപോയിരുന്നു 


പെരുന്നാള്‍ കാഴ്ചയ്ക്ക് ഉമ്മാക്ക്
വാങ്ങിയ പുകയിലയില്‍
അടയ്ക്കയും, ചുണ്ണാമ്പും, വെറ്റിലയുമില്ലാതെ
ചോപ്പണിഞ്ഞു

പെരുന്നാളിന് പള്ളിയില്‍ പോകുമ്പോള്‍
മകന് തലയില്‍ വെയ്ക്കാനുള്ള തൂവെള്ള
തൊപ്പിയും ചുവന്നുപോയി

കുഞ്ഞോളെ പെരുന്നാള്‍ കുപ്പായത്തില്‍
ഉപ്പാടെ ചങ്കറുത്ത് ചെഞ്ചായമിട്ടു

മയ്യെത്തെടുക്കാന്‍ ഒരു മഹല്ല് മുഴുവന്‍
ബല്യപെരുന്നാളിലാണ് മരണം
സദ്ദാംഹുസൈനെപ്പോലെ കരുത്തന്‍
വെട്ടുകളെല്ലാം നെഞ്ച്കൊണ്ടല്ലേ തടുത്തത്‌

അഹമ്മതി അല്ലാണ്ടെന്തു
കുട്ടീളെ ഓര്‍ക്കണായിരുന്നു
കാഫിര്‍ ....അള്ളായും ബില്ലായും ഇല്ലാത്തോന്‍
കമ്മ്യുണിസ്റ്റ് ആണത്രേ ......കമ്മ്യുണിസ്റ്റ്.

"മാറ്റൊലി"

പാതയ്ക്കരിലൊരു പാറാവുകാരന് ‍ പാതിമിഴി പൊത്തിക്കരയണുണ്ട് പാതിരാനേരത്ത് പാതയൊഴിഞ്ഞിട്ട് പട്ടണം മറപറ്റി തേങ്ങണുണ്ട്   ...