Sunday, December 13, 2015

മുറിച്ചു മാറ്റപ്പെടുന്ന മനസ്സും തിരിച്ചറിവില്ലാത്ത മത ചിന്തകളും

മുറിച്ചു മാറ്റപ്പെടുന്ന മനസ്സും
തിരിച്ചറിവില്ലാത്ത മത ചിന്തകളും

ദൈവത്തിന്റെ സ്വന്തം നാട്ടിൽ
ദൈവങ്ങളാണ് മനുഷ്യനെക്കാളും,
ഭൂരിപക്ഷം ഭരണം നടത്തുമ്പോൾ
ന്യൂനപക്ഷം പീഡിപ്പിക്കപ്പെടുന്നത്
ജനാധിപത്യത്തിന്റെ പോരായ്മയാണ്,
ഈ പോരായ്മകളെ ഇല്ലായ്മചെയ്യാൻ
ഉണ്ടാക്കിയ നിയമമൊക്കെ
ഭൂരിപക്ഷത്തിന്റെ താല്പര്യത്തിന്
മാറ്റപ്പെടുന്നു.
ഇതിനെതിരെ ഒറ്റപ്പെട്ടും,
കൂട്ടായും നടത്തുന്ന പ്രതിഷേദങ്ങൾ
ആരും കേൾക്കാതെപോകുന്നു
അല്ലെങ്കിൽ അറിഞ്ഞുകൊണ്ട് അവഗണിക്കുന്നു.

ന്യുനപക്ഷം ചെയ്യുന്ന തെറ്റുകൾക്ക്
പെട്ടന്ന് ശിക്ഷ നടപ്പാക്കുക മറ്റുള്ളവർ
നടത്തിയാൽ കേസ്സ്പോലും എടുക്കാതിരിക്കുക
പതിനഞ്ചോളം കൊല്ലം ഒരാളെ ജയിലിൽ ഇടുക
ഇടയ്ക്കു നിരപരാതിയെന്ന്പറഞ്ഞ് തുറന്നുവിടുക
വീണ്ടും കൂട്ടിലടക്കുക

നീതിപീഠം പഴങ്കതയും, സ്വപ്നവും, കൈനോട്ടവും
തെളിവായി സ്വീകരിക്കുന്ന രാജ്യത്ത്
തുമ്മിയാൽ ഇന്ത്യയുടെ ശത്രുരാജ്യത്ത് പൊയ്ക്കൊള്ളു
എന്ന് പറയുന്ന, ജനപ്രതിനിധികൾ
വിദ്യാഭ്യാസമുള്ള ന്യൂനപക്ഷ വിദ്യാർഥികളെ
തിരഞ്ഞുപിടിച്ച് തീവ്രവാദികളാക്കുന്ന
നിയമപാലകർ, മതംനോക്കി രാജ്യത്തിന്റെ
ഒരു വിഭാഗം മനുഷ്യരെ കള്ളക്കടത്തുകാരും, തീവ്രവാദികളും
രാജ്യസ്നേഹമില്ലാത്തവരുമാക്കി
അവരുടെ സമ്പത്തിനും, ജീവനും ഒരു
വിലയുമില്ലാതാവുന്ന ഒരു കാലഘട്ടത്തിൽ
നമ്മുടെ രാജ്യം കൂപ്പുകുത്തുന്നകാഴ്ച
പരമ ദയനീയമാണ്

മാധ്യമത്തിന്റെ ഭാവം, രൂപം, ഉള്ളടക്കം
എന്നിവകളില്‍ സമീപകാലത്ത് വന്ന മാറ്റങ്ങള്‍
കേട്ടുകേൾവിപോലും ഇല്ലാത്തകഥകൾ
പറഞ്ഞും പഠിപ്പിച്ചും കുട്ടികളുടെ മനസ്സിൽ പോലും
ശത്രുത ഉണ്ടാക്കുന്ന പത്രധർമ്മം
ലോകത്തിൽ എവിടെയെങ്കിലും
ആരെങ്കിലും അക്രമം നടത്തിയാൽ
ഒരു മതത്തിന്റെ പേരിൽ കെട്ടിവെയ്ക്കുക
അതും പറഞ്ഞ് അധിക്ഷേപിക്കുക
പശു, എലി, മാൻ, മയിൽ, പാമ്പ്
അതിൽതുടങ്ങി പാവം കാലന്റെ വാഹനത്തിനും
വിലക്കേർപ്പെടുത്തുന്ന ഇവയിലെല്ലാം
മതം പറയുന്ന, മനുഷ്യശരീരങ്ങൾ തിന്നുന്ന
അഘോരികൾ വാഴുന്ന, അവരെ ദൈവമായി കാണുന്ന,
ഒരു സമൂഹം പശുമാംസം തിന്നു എന്നാരോപിച്ച്
ഒരു മനുഷ്യനെ കൊല്ലുക!!!

ഭയമാണ് ഇന്ത്യയിൽ ജീവിക്കാനെന്ന് പറയുന്ന
സെലിബ്രെറ്റികൾ, പിന്നെ സാധാരണക്കാരുടെ
കാര്യം പറയണോ ......
എല്ലാ പാർട്ടികളുടെയും നയം മനുഷ്യരെ ജാതിപറഞ്ഞു
ഭിന്നിപ്പിക്കുക ഭൂരിപക്ഷത്തെ പ്രീതിപ്പെടുത്തുക

നല്ലൊരു സംസ്ക്കാരം ഇവിടെ ഇല്ലാതാകുന്ന കാഴ്ച
കണ്മുന്നിൽ കാണുമ്പോൾ മുറിയുകയാണ് .....
ചോരപൊടിയുകയാണ് .......
ഇത് എന്റെ നാട്
ഇവിടെ ഞാനും എന്റെ പൈതൃകവും ഉറങ്ങുന്നു
ഇവിടെ ആരാണ് കുടിയേറിപ്പാർത്തത്‌
ജവാന്റെ ശവപ്പെട്ടിക്കും കൈക്കൂലിപറ്റിയ
നാണമില്ലാത്ത നിനക്കും അമ്മയെന്ന് പറഞ്ഞ്
വൃദ്ധരായപശുക്കളെ മാംസമാക്കി വിലകുറച്ച് കൈക്കലാക്കി
അന്യനാടുകളിൽ കയറ്റിയയച്ചു
കോടികൾ സമ്പാദിക്കുന്ന നിനക്കാണോ
രാജ്യസ്നേഹം, മാതൃസ്നേഹം ........

അന്യന്റെ ആരാധനാലയത്തിൽ ദൈവം ജനിച്ചു എന്ന്
കള്ളക്കഥയുണ്ടാക്കി ഭംഗിയുള്ളതും, വിലയുള്ളതും
തട്ടിയെടുക്കുന്ന കൊള്ളക്കാരാ.........നിനക്ക്
ചരിത്രം മാപ്പ് തരില്ല .......
തൊട്ടുകൂടായ്മയും, തീണ്ടിക്കൂടായ്മയും പറഞ്ഞ്
മനുഷ്യരെ തമ്മിൽ അകറ്റി അന്യമതക്കാർക്കും,
ദേശക്കാർക്കും, ഒരുതുണ്ടം പുകയിലക്കും, ഒരു കവിൾ
മദ്യത്തിനും രാജ്യത്തെ ഒറ്റികൊടുത്ത നപുംസുകങ്ങൾ
ഞങ്ങളുടെ രാജ്യസ്നേഹത്തെ ചോദ്യംചെയ്യാൻ
തുടങ്ങുന്നു .....

പൊറുക്കില്ല ചരിത്രം, ഇനിയും ചില അമ്മമാരുടെ
ഗർഭപാത്രത്തിൽ കുഞ്ഞാലിമരയ്ക്കാരും, പഴശ്ശിരാജയും,
മാര്‍ത്താണ്ഡവര്‍മ്മയും, ആലിമുസല്യാരും പിറവിയെടുക്കും
അവർ പോരാടുക ആർത്തിമൂത്ത നിനക്കെതിരെയായിരിക്കും
മാന്ത്രികാ ആഭിചാരം തുടരുക ..........
നിന്റെ ആവനാഴിയിലെ എല്ലാ അമ്പുകളും തീരുമ്പോൾ
അടുത്തത് സത്യത്തിന്റെ ഊഴമാണ് അതിന്
ഒരു മതത്തിന്റെയും കൊടിയുടേയും നിറം ഉണ്ടായിരിക്കില്ല
മനുഷ്യരുടെ ......ഭാഷയായിരിക്കും അവർ സംസാരിക്കുക.



No comments:

Post a Comment

പിൻവിളി .....പിന്നെ ഒരു ഉൾവിളി

വ്യപിചാരം കഴിഞ്ഞു  ഇറങ്ങി നടക്കുമ്പോൾ  അവൾ പിന്നിൽ നിന്നും- വിളിച്ചു പറഞ്ഞു കുളിച്ചു ശുദ്ധമായിപ്പോകൂ നിങ്ങൾ പോകുന്ന വഴിക്കു വല്ല പള്ളിയിലു...