Saturday, August 5, 2017

ആര് നീ ...... (ഗസ്സല്‍)


ആര് നീയെൻ പുസ്തകത്താളിൽ
നോവായുറങ്ങുന്ന താരമേ....
നീർ തുളുമ്പുമീ താഴ്‌വരയിൽ 
മേനി പൂക്കുന്നു ഓമലേ....
ആര് നീയെൻ.......
നീല മേഘങ്ങൾ ദൂത് പോകുന്ന
ഗ്രാമ വീഥിയിൽ കണ്ടു ഞാൻ 
നിൻ മിഴിക്കോണിൽ പൂത്ത ചെമ്പകം 
ചേർത്ത് വെച്ച് ഞാൻ സ്നേഹമേ ...
ആര് നീയെൻ.......
സാമഗീതങ്ങള്‍ പെയ്തിറങ്ങുമീ
പാതിരാവിലെന്‍ നീലിമേ ...
പടികടന്നു നിൻ മൊഴിമണികൾ
കുളിരല മഴ തൂകിയോ....
ആര് നീയെൻ.......
നിന്‍ ചിരിമണി വീണമീട്ടുമീ
വേനലമ്പിളിപ്പൂക്കളേ...
കാറ്റ് വന്നൊരു കാവ്യമഞ്ജരി
കാതിലോതുന്നു ജീവനേ.....
ആര് നീയെൻ.......
ഇനിയൊരു വരി കവിതയായി നീ
ഒഴുകണം എന്റെ പ്രിയംവദേ...
തലയിണയിലെ ഇരുളില്‍ ഞാനെന്റെ
മുഖമൊളിക്കുന്നു മധുരിമേ....
ആര് നീയെൻ.......

No comments:

Post a Comment

"മാറ്റൊലി"

പാതയ്ക്കരിലൊരു പാറാവുകാരന് ‍ പാതിമിഴി പൊത്തിക്കരയണുണ്ട് പാതിരാനേരത്ത് പാതയൊഴിഞ്ഞിട്ട് പട്ടണം മറപറ്റി തേങ്ങണുണ്ട്   ...