കണ്ണ്
കഴുകന്റെ കണ്ണ് ചാട്ടുളി കണ്ണ്
കള്ളന്റെ കണ്ണ് താഴിട്ട കണ്ണ്
കുള്ളന്റെ കണ്ണ് കേഴുന്ന കണ്ണ്
കലമാന്റെ കണ്ണ് പിടക്കുന്ന കണ്ണ്
ഇടനെന്ജിലാണ് ഇടറുന്ന കണ്ണ്
ഇടയന്റെ കണ്ണ് നോക്കുന്ന കണ്ണ്
മടിയന്റെ കണ്ണ് ചൊടിയുള്ള കണ്ണ്
പെണ്ണിന്റെ കണ്ണ് മയക്കുന്ന കണ്ണ്
തൊടിയിലെ കണ്ണ് കൂമന്റെ കണ്ണ്
കടിയുള്ള കണ്ണ് കരയുന്ന കണ്ണ്
തളരുന്ന കണ്ണ് വിശപ്പിന്റെ കണ്ണ്
മറയുള്ള കണ്ണ് കുരുടന്റെ കണ്ണ്
മധുവുള്ള കണ്ണ് കാമുക കണ്ണ്
മുത്തുള്ള കണ്ണ് ശിശുവിന്റെ കണ്ണ്
കത്തുന്ന കണ്ണ് കാ‍ന്താരി കണ്ണ്
കുത്തുന്ന കണ്ണ് മുള്ളുള്ള കണ്ണ്
കറുപ്പുള്ള കണ്ണ് വിഷാദത്തിന്‍ കണ്ണ്
വിതുമ്പുന്ന കണ്ണ് വിരഹത്തിന്‍ കണ്ണ്
വിനയുള്ള കണ്ണ് വിഷമുള്ള കണ്ണ്
താങ്ങുന്ന കണ്ണ് തള്ളതന്‍ കണ്ണ്
താമര കണ്ണ് തഴുകുന്ന കണ്ണ്
മനമാണ് കണ്ണ് മര്‍ത്ത്യന്റെ കണ്ണ്
കണ്ണായ കണ്ണെല്ലാം തന്നതും നീയെ
തള്ളാതെ നോക്കണേ കാരുണ്യ വാനെ.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ