Saturday, September 17, 2011

കാക്കയുടെ വിശപ്പും പശുവിന്റെ കടിയും


കാക്കയുടെ വിശപ്പും പശുവിന്റെ  കടിയും

ചൊല്ലുക ചൊല്ലാനുള്ള വചനം മാത്രം
ഇല്ലെങ്കില്‍ നിന്നെ നീ തിരിച്ചറിയും
തല്ലുക തല്ലാനുള്ള വടികൊണ്ട് 
ഇല്ലെങ്കില്‍ അവര്‍ നിന്നെ തല്ലിക്കൊല്ലും

ഇല്ലിനി മണ്ണില്‍ ഇത്തിരി വെട്ടം
ചൊല്ലുകള്‍ തന്നൊരു തുള്ളിവെളിച്ചം
കാണാനോവിന്‍ കാലടി ശബ്ദം
കേള്‍ക്കാനില്ല അറിവിന്‍ പര്‍വ്വം

കേള്‍വി തടഞ്ഞൊരു മനസ്സില്‍ ശാപം
കേറുകയില്ലൊരു അണുവിന്‍ തൂക്കം
മണ്ണില്‍ മുഴുവന്‍  തെണ്ടി നടന്നൊരു  
മാമുനിയിപ്പോള്‍ തപസ്സ് മറന്നു

കണ്ണുകള്‍ പൂട്ടി അടച്ചാല്‍ കാണാം
കൌതുകമേറും കാഴ്ചകള്‍ മനമില്‍ 
കല്ല്‌പിറക്കി നടക്കാം എറിയാം
തെറ്റുകള്‍ പേറും കയ്യാല്‍തന്നെ

കണ്ടില്ലെന്നു പറഞ്ഞുനടക്കാം 
തിമിരം വീണൊരു കണ്ണും പൂട്ടി 
കാളകളിയുടെ കാലം വന്നു 
കാലികള്‍ മേയും തെരുവുകള്‍ നീളേ

കല്പന നെയ്യും  ഊടും പാവും
ഇന്നില്‍ ഞാനോ ഇനിയും നീയോ 
അറിയുകയില്ലിനി കലിയുടെ വരവില്‍
കാലം തന്നൊരു കനിവും പേറി.

No comments:

Post a Comment

വഴികൾ

വാതിലുകൾ തുറന്നു കിടക്കുമ്പോഴും നാം ഒളിഞ്ഞു നോക്കുന്നു! നന്മയുടെ പർവതങ്ങൾ, സഹാനുഭൂതിയുടെ സമതലങ്ങൾ, ഉത്ഭവത്തിന്റെ കാനനങ്ങളും ഒരു വിള...