Saturday, September 17, 2011

ഒരു പ്രണയത്തിന്റെ ബാക്കിപത്രം




ഒരു പ്രണയത്തിന്റെ ബാക്കിപത്രം 

ചേലില്‍ ചിരിക്കാന്‍ പഠിപ്പിച്ച പ്രണയിനീ
പാലില്‍കലക്കിയോ പാഷാണമത്രയും
കാഷായവേഷം ധരിക്കാന്‍ പറഞ്ഞു നീ 
ഭേഷായി നോക്കിചിരിച്ചിട്ടു പോകയോ



കാറ്റിന്റെമര്‍മ്മരം ദൂരത്ത്‌ കേള്‍ക്കുന്നു
 ഏറ്റുന്നു ഞാനീ ഭാരങ്ങളൊക്കെയും
നീറ്റാo മനസ്സിന്‍ ഉലയില്‍ എടുത്തിട്ട് 
പോറ്റാന്‍ അറിയാത്ത നഷ്ടസ്വപ്നങ്ങളെ
 
പകലൊന്നു മാറി കറുക്കുമാനേരത്ത് 
കരളില്‍ പതുക്കെ ഇറക്കുക കത്തി നീ 
ചിന്തുമാചോരയെ കോരികുടിച്ചുനീ 
പൊന്തുമാരോദനം കേള്‍ക്കാതെ പോവുക

 എന്നിനിക്കാണുമോ എന്തെന്നറിയുമോ
പിന്നെന്തിന്നാണ് നീ പിന്‍വിളി  കേള്‍ക്കുക
ചത്തതും കൊന്നതും ഞാനെന്നറിയുക
 പാഴനാം എന്നെ കളഞ്ഞിട്ട്‌ പോകുക.

No comments:

Post a Comment

"മാറ്റൊലി"

പാതയ്ക്കരിലൊരു പാറാവുകാരന് ‍ പാതിമിഴി പൊത്തിക്കരയണുണ്ട് പാതിരാനേരത്ത് പാതയൊഴിഞ്ഞിട്ട് പട്ടണം മറപറ്റി തേങ്ങണുണ്ട്   ...