Saturday, September 17, 2011

നാടും നഗരവും


നാടും നഗരവും

കുളിരായ് ഒഴുകും പുഴയെന്നും
എന്‍ മനസ്സില്‍ മധുവായ് നിറയുന്നു
കളിയായ്‌ പറയും മൊഴിയെന്നും
നിന്‍ വിളിയായ് ഞാനോ കരുതുന്നു


കുളിരും മധുവും മൊഴിയും നീയോ
ലതയായ് എന്നില്‍ പടരുന്നു
പടരും തളിരിന്‍ തരളിത നിറവില്‍
ചട പട താളം മുറുകുന്നു

ചായം പൂശും സന്ധ്യക്കിന്നും
പോകാനൊരു മടി തോന്നുന്നു
കലപില കൂടിയ പക്ഷികളിന്നും
താനേ ഉറക്കം തൂങ്ങുന്നു

പേടി പെരുത്തൊരു ഇരുളിന്റെടിയില്‍
കൂമന്‍ തെര് തെരെ കൂവുന്നു
അരവയര്‍ ഒട്ടിയ ഭൂതത്താനോ
ദാഹം തീര്‍ക്കാന്‍ അലയുന്നു

മുല്ലകള്‍ പൂക്കും നഗര തെരുവോ
ചുണ്ടില്‍ ചായം പൂശുന്നു
മങ്ങിക്കത്തും കൊച്ചുവിളക്കില്‍
മദ്യ കുപ്പികള്‍ മുട്ടുന്നു

ഈവിധമാന്നെന്‍ നാട്ടില്‍ നിത്യവും
നേരം ഇരുട്ടി വെളുക്കുന്നു
നട്ടഭ്രാന്തു പിടിചൊരു ഞാനും
ഊഴം കാത്തു നടക്കുന്നു.

No comments:

Post a Comment

"മാറ്റൊലി"

പാതയ്ക്കരിലൊരു പാറാവുകാരന് ‍ പാതിമിഴി പൊത്തിക്കരയണുണ്ട് പാതിരാനേരത്ത് പാതയൊഴിഞ്ഞിട്ട് പട്ടണം മറപറ്റി തേങ്ങണുണ്ട്   ...