Saturday, September 17, 2011

തൃഷ്ണ


തൃഷ്ണ

കാലം കലികാലം കാലിട്ടടിക്കുന്നു
മേടം ഇടവം മിഥുനം കഴിക്കുന്നു
നീറ്റിന്‍ ഒഴുക്കും പതിയേ നിലക്കുന്നു
പേറിന്റെ നോവും നീയിന്നറിയുന്നു



ചേറില്‍ പിറക്കുന്നു ഇന്നത്തെ അന്നം
നാറിതുടങ്ങുന്നു നാളത്തെ വേഷം
നീളേ നടക്കുന്നു ഭാവിതന്‍രോഷം
ചാരെയിരിക്കുന്നു നേരത്തെ ശാപം

പകിട കളിക്കുന്ന കാലം കഴിഞ്ഞുപോയ്‌ 
പാഞ്ചാലി വസ്ത്രവും അന്നേ അഴിഞ്ഞുപോയ്
മൊട്ടിട്ട മോഹം മുളയില്‍ കരിഞ്ഞു പോയ്‌
കിട്ടാന്‍ നിനക്കിനി പട്ടാഭിഷേകമോ

തല്ലിപ്പഴുക്കാന്‍  വിധിച്ചൊരു ബാല്യമേ
മെല്ലെചിരിക്കൂ ഞാനൊന്നുറങ്ങട്ടെ 
വില്ലില്‍ അടുക്കാത്ത വില്ലനാം കാലമേ
നില്ലേ..... ഞാന്‍ നിന്‍റെ പിറകെ നടക്കട്ടെ.

No comments:

Post a Comment

ഉറക്കമില്ലാത്തവരുടെ രാത്രികൾ

ഉറക്കമില്ലാത്തവരുടെ രാത്രികൾ  ഇറക്കമില്ലാത്ത കടലിന്റെ - തിരകൾ പോലെയാണ്, നുരഞ്ഞു പതഞ്ഞു പൊന്തിയ ഒരു മദ്യക്കുപ്പിപോലെ കാൽവരിയിൽ മരണം ക...